Լավրովը հայտնել է, թե ինչ պաշտոնական հաղորդագրություն են ստացել ԱՄՆ-ից
Ռուսաստանը դիվանագիտական ուղիներով ԱՄՆ-ից պաշտոնական հաղորդագրություն է ստացել այն մասին, որ Վաշինգտոնը չի ծրագրում և չի ցանկանում ուղղակիորեն կռվել Մոսկվայի հետ, կամ ուղարկել իր ռազմական մասնագետներին՝ աշխատելու Ուկրաինային փոխանցված Patriot զենիթային համակարգերի հետ։ Այս մասին հայտարարել է ՌԴ ԱԳ նախարար Սերգեյ Լավրովը Առաջին ալիքի «Մեծ խաղ» ծրագրին տված հարցազրույցում, որի տեքստը հասանելի է դարձել Lenta.ru-ին։
«Հիմա մենք ամերիկացիներին հարցրինք այն ուղիներով, որոնք դեռ ունեն մեր դեսպանատունը, թե արդյոք Patriot մարտկոցը տեղափոխելու որոշումը, հաշվի առնելով դրա օգտագործման բարդությունը, նշանակում է, որ կլինեն ամերիկացի մասնագետներ [Ուկրաինայում]։ Նրանք մեզ բավականին լայնորեն բացատրեցին, որ դա պլանավորված չէր, հենց այն պատճառով, որ ամերիկացիները չեն ցանկանում և ուղղակիորեն չեն կռվելու Ռուսաստանի դեմ»,- ասել է ռուս նախարարը։
ՌԴ ԱԳՆ ղեկավարը նաեւ պարզաբանել է, որ, ըստ ԱՄՆ-ի, Patriot-ը շահագործման կհանձնվի մի քանի ամսվա ընթացքում, մինչև որ ուկրաինացի զինվորականները կյուրացնեն այս տեխնոլոգիան։
