Պուտինն ու Մոդին կհանդիպեն 2023 թվականին
Հնդկաստանի վարչապետ Նարենդրա Մոդիի և Ռուսաստանի նախագահ Վլադիմիր Պուտինի հանդիպումը նախատեսված է 2023 թվականին, «ՌԻԱ Նովոստի»-ին ասել է Ռուսաստանում Հնդկաստանի դեսպան Փավան Կապուրը։
«Մեր ղեկավարները մշտական կապի մեջ են. նրանք հանդիպել են սեպտեմբերին Սամարղանդում ՇՀԿ գագաթնաժողովի շրջանակում, անցած ուրբաթ նրանք հեռախոսով զրուցել են: Եվ շփումը կշարունակվի»,- ասել է դիվանագետը՝ հիշեցնելով, որ Հնդկաստանը նախագահում է ՇՀԿ-ում և G20-ում, «հետևաբար, հանդիպումը անպայման կկայանա»:
Կապուրը նշել է, որ Նյու Դելին ակնկալում է, որ շուտով կլինեն շփումներ, սակայն կոնկրետ պայմանավորվածություններ դեռ չկան։
