ԵՄ մամուլի խոսնակի հայտարարությունը Լաչինի միջանցքի շուրջ զարգացումների վերաբերյալ
ԵՄ մամուլի խոսնակը հայտարարություն է տարածել Լաչինի միջանցքի շուրջ զարգացումների վերաբերյալ․
Դեկտեմբերի սկզբից Եվրամիությունը լուրջ մտահոգությամբ է հետևում Լաչինի միջանցքի շուրջ տեղի ունեցող տարբեր զարգացումներին։
ԵՄ-ն կոչ է անում Ադրբեջանի իշխանություններին ապահովել միջանցքի երկայնքով տեղաշարժի ազատությունն ու անվտանգությունը՝ համաձայն 2020 թվականի նոյեմբերի 9-ի եռակողմ հայտարարության:
Նման ազատ տեղաշարժի սահմանափակումները զգալի անհանգստություն են պատճառում տեղի բնակչությանը և առաջացնում հումանիտար մտահոգություններ:
Այլ մտահոգությունները կարող են և պետք է լուծվեն ներգրավված կողմերի հետ երկխոսության և խորհրդակցությունների միջոցով: ԵՄ-ն կրկնում է զսպվածության իր կոչը և պատրաստ է նպաստել վերոնշյալ ջանքերին։
