«Հայաստանի կառավարությունը չպետք է միջամտի ժողովրդավարական ճանապարհով ընտրված քաղաքական գործիչների հավաքներին»․ ԵԺԿ գլխավոր քարտուղարը իր մտահոգությունն է հայտնում
ԵԺԿ գլխավոր քարտուղար Թանասիս Բակոլասը թվիթերյան իր էջում մտահոգություն է հայտնել ՀՀԿ փոխնախագահ Արմեն Աշոտյանին «Զվարթնոց» օդանավակայանում Հայաստանը լքելու և Լիսաբոնում ԵԺԿ Քաղաքական համաժողովին մասնակցելու հնարավորությունից զրկելու վերաբերյալ․
«Ես չափազանց մտահոգված եմ, որ Աշոտյանին արգելել են մեկնել Լիսաբոն և թույլ չեն տվել միանալ մեր Քաղաքական ժողովին։ Այս գործելաոճը բացարձակապես անընդունելի է։ Հայաստանի կառավարությունը չպետք է միջամտի ժողովրդավարական ճանապարհով ընտրված քաղաքական գործիչների հավաքներին»։
Հիշեցնենք, որ ավելի վաղ Արմեն Աշոտյանը ֆեյսբուքյան իր էջում տեղեկացրել էր, որ
«Զվարթնոց» օդանավակայանում անձնագրային ստուգման փուլում իրեն արգելել են լքել Հայաստանը։
I am extremely concerned that @Ashotyan was banned from travelling to Lisbon and not allowed to join our Political Assembly. These practices are totally unacceptable. The Armenian government should not interfere in any gathering of democratically elected politicians. https://t.co/vjSkXx8eMC
— Thanasis Bakolas (@ThanasisBakolas) November 16, 2022