Կիևի իշխանություններն անհանգստացած են Մոսկվային ուղղված Վաշինգտոնի ազդանշանից
ԱՄՆ նախագահ Ջո Բայդենին ուղղված դեմոկրատ կոնգրեսականների նամակում Կիևում «ազդանշան են տեսել Մոսկվայի համար», գրում է The Washington Post-ը՝ վկայակոչելով ուկրաինացի անանուն պաշտոնյային:
Սպիտակ տան ղեկավարին ուկրաինական հակամարտության կարգավորման վերաբերյալ Ռուսաստանի հետ բանակցություններ սկսելու կոչով նամակ են ուղարկել Ներկայացուցիչների պալատի Դեմոկրատական կուսակցությունից երեք տասնյակ անդամներ։ Ավելի ուշ կոնգրեսականները հետ են կանչել այս առաջարկը։
«Սա հուսադրող ազդանշան է Պուտինի համար»,- ասել է թերթի աղբյուրը։
WP-ի մեկ այլ աղբյուր հայտնել է, որ Կիևի իշխանությունները վախենում են ԱՄՆ-ի ներքին գործերին խառնվել նախկին նախագահ Դոնալդ Թրամփի իմպիչմենտի հետ կապված սկանդալից հետո։
«Մենք կանգնած չենք հանրապետականների և դեմոկրատների միջև: Սա այլ պետության ներքին քաղաքականությունն է: Եվ այն, որ հակամարտության վերաբերյալ դիրքորոշումները տարբեր կլինեն, սպասելի է»,- ասել է ուկրաինացի բարձրաստիճան պաշտոնյան:
Հոդվածում ընդգծվում է, որ նամակն ավելացնում է Ուկրաինայի անհանգստությունը Վաշինգտոնի ֆինանսական և ռազմական աջակցությունը պահպանելու վերաբերյալ այն պնդումների ֆոնին, թե Միացյալ Նահանգները կարող է կրճատել Կիևի օգնությունը, եթե հանրապետականները հաղթեն նոյեմբերին Կոնգրեսի ընտրություններում:
