Էրդողանը կայցելի Ադրբեջան
Թուրքիայի նախագահը նախատեսում է մասնակցել Կովսականի (Զանգիլան) միջազգային օդանավակայանի բացման արարողությանը։
«Սպասվում է, որ երկու շաբաթվա ընթացքում Թուրքիայի նախագահ Ռեջեփ Թայիփ Էրդողանը կայցելի Ադրբեջան՝ մասնակցելու Զանգիլանի միջազգային օդանավակայանի բացմանը»,-ադրբեջանական լրատվամիջոցների հաղորդմամբ՝ ասել է Ադրբեջանում Թուրքիայի դեսպան Ջահիդ Բաղչին:
Նա նշել է, որ ներկա պահին ավարտվում են օդանավակայանի բացման նախապատրաստական աշխատանքները, կատարվում են թռիչքային տեխնիկական փորձարկումներ:
2020 թվականի Արցախյան երկրորդ պատերազմի հետևանքով Կովսականն անցել է Ադրբեջանի հսկողության տակ։
