Բեկորի անունը կրող դպրոցում հերոսի խրոխտ հայացքի ներքո ձևավորվելու է ազատ Արցախի ձեռքբերումների նոր հանգրվանը․ Արտակ Բեգլարյան
Այսօր Ստեփանակերտի 2-րդ դպրոցում տեղի է ունեցել Արցախի հերոս Աշոտ Ղուլյանի(Բեկոր) կիսանդրու բացման հանդիսավոր արարողությունը:
Մտահղացումն իրականություն է դարձել Արցախի Հանրապետության կառավարության և ավստրալահայ բարերար Շանթ Կրաջյանի համաֆինանսավորմամբ, ՀՅԴ նախաձեռնությամբ և Ստեփանակերտի քաղաքապետարանի աջակցությամբ, իսկ քանդակագործը Յուրի Հովհաննիսյանն է, ճարտարապետը՝ Սերգեյ Ադամյանը:
Բեկորի անունը կրող դպրոցում հերոսի խրոխտ հայացքի ներքո ձևավորվելու է ազատ Արցախի ձեռքբերումների նոր հանգրվանը: Եվ մեր զենքը ոչ միայն գիտելիքն է լինելու, այլև՝ հայրենաճանաչումն ու հայրենասիրությունը: Բեկոր Աշոտը մեր մտքում ու գործողություններում կլինի միշտ, քանի դեռ Հայրենիքի պաշտպանության ու զարգացման ջիղն ու կամքը առաջնորդում է մեզ:
Շնորհակալություն այս ծրագրի նախաձեռնողներին ու իրագործողներին:
ԱՀ Պետնախարար Արտակ Բեգլարյան
