Բայդենի բնավորության պատճառով Ուկրաինային ոչ մի լավ բան չի սպասում․ Բոլթոն
ԱՄՆ նախագահ Ջո Բայդենի անվճռականությունը արտաքին քաղաքականության մեջ խնդիրներ է խոստանում Կիևին ռուսական հատուկ գործողության ժամանակ, գրել է Դոնալդ Թրամփի ազգային անվտանգության հարցերով նախկին խորհրդական Ջոն Բոլթոնը 19FortyFive-ի հոդվածում։
Նրա կարծիքով, ամերիկացի առաջնորդը բազմիցս թուլություն է դրսևորել Չինաստանի և Ռուսաստանի հետ հարաբերություններում, ինչը խարխլել է Միացյալ Նահանգների հեղինակությունը և միայն նոր սպառնալիքներ ու մարտահրավերներ է բերել։
«Վճռականության բացակայությունը լավ բան չի հուշում Ուկրաինայի համար, եթե ռուսական հատուկ գործողությունը շարունակվի, մանավանդ եվրոպական որոշ երկրներ, մասնավորապես Գերմանիան և Ֆրանսիան, ցույց են տալիս իրենց անվճռականությունը»,- նշել է Բոլթոնը։
«Նրա վարչակազմը թե՛ բովանդակությամբ, թե՛ դիվանագիտական հմտությամբ անվճռական է, ենթարկվող և անհետևողական»,- ասվում է հրապարակման մեջ։
Բոլթոնը հավելել է, որ Սպիտակ տունը ճնշման տակ զիջումների գնալու հակվածություն ունի։ Այսպիսով, նա որպես օրինակ բերեց Մոսկվայի հետ գերիների փոխանակման, 2015 թվականին իրանական միջուկային գործարքին Վաշինգտոնի վերադարձի և Ներկայացուցիչների պալատի նախագահ Նենսի Փելոսիի Թայվան այցի հարցերը։ Նրա խոսքով, այս ամենը խրախուսում է հակառակորդներին և տագնապեցնում ԱՄՆ-ի ընկերներին:
