Թեհրանի հյուսիսում հեղեղումների հետևանքով զոհվել է 5, վիրավորվել 9 մարդ
Թեհրանի հյուսիսում՝ Իմամզադե Դավուդում հորդառատ անձրևների հետևանքով առաջացած հեղեղի արդյունքում զոհվել է 5 քաղաքացի, վիրավորվել 9-ը:
«Արմենպրես»-ի հաղորդմամբ՝ այս մասին տեղեկացնում է IRNA-ն:
Նշվում է, որ արագ արձագանքման խումբը և որոնողափրկարարական շների խումբը շարունակում են տարածքում որոնումները՝ կորածներին գտնելու համար։
Արագ արձագանքող շուրջ 80 ուժեր ներկա են եղել տարածքում՝ օգնություն ցուցաբերելու մարդկանց:
