Մտահոգիչ են Հայաստան-Թուրքիա բանակցությունները և Հայաստան Մուրադ Փափազյանի մուտքի արգելումը․ Արամ Ա
Մեծի Տանն Կիլիկիո Արամ Ա կաթողիկոսը ֆեյսբուքյան գրառում է արել, որում անդրադարձել է հայ–թուրքական հարաբերություններին, ինչպես նաև ՀՅԴ Բյուրոյի անդամ Մուրադ Փափազյանի մուտքը Հայաստան արգելելու մասին։ Գրառման մեջ ասվում է․
«Մտահոգիչ են վերջին օրերին Հայաստանում տեղի ունեցող զարգացումները, հատկապես՝ Հայաստան-Թուրքիա բանակցությունների, ինչպես նաև ՀՅԴ Բյուրոյի անդամ Մուրադ Փափազյանի՝ Հայաստան մուտքի արգելքի մասով: Նման երևույթները կարող են բացասական հետևանքներ ունենալ, մասնավորապես, Հայաստան-Սփյուռք հարաբերությունների համար: Անհրաժեշտ է հանրությանը հստակ և ամբողջական տեղեկություններ փոխանցել հանրությանը»։
