Պաշտոնական Երևանն ու Հայաստանում ԱՄՆ դեսպանատունը չեն հերքում՝ ԿՀՎ տնօրենը Հայաստանում է, մինչդեռ ԱԱԾ-ն՝ «տեղեկություն չունի»․ «Ազատություն»
Պաշտոնական Երևանն ու Հայաստանում ԱՄՆ դեսպանատունը ո՛չ հաստատում, ո՛չ հերքում են տեղեկությունը, թե Երևանում է Միացյալ Նահանգների Կենտրոնական հետախուզական վարչության (ԿՀՎ) տնօրեն Ուիլյամ Բըրնսը։ Այս մասին հայտնում է «Ազատություն» ռադիոկայանը։
Ազգային անվտանգության ծառայության (ԱԱԾ) լրատվական բաժնից «Ազատությանն» այսօր հայտնեցին, որ այս պահին տեղեկություն չունեն Բըրնսի երևանյան այցի վերաբերյալ։ Հայաստանում ԱՄՆ դեսպանատան լրատվական ծառայությունից փոխանցեցին, թե չեն մեկնաբանում ԿՀՎ ղեկավարի Հայաստան այցելելու մասին լուրը՝ փաստորեն, չհերքելով, որ Ուիլյամ Բըրնսը Երևանում է։
