Թուրքիան նպատակ ունի տեղահանել սիրիացիներին և փոխել երկրի հյուսիսի ժողովրդագրական կազմը․ Դամասկոս
Սիրիայի խորհրդարանը հայտարարել է, որ Թուրքիայի՝ անվտանգ գոտի ստեղծելու պահանջի նպատակը հյուսիսային Սիրիայից ավելի շատ մարդկանց տեղահանելն է: Գրում է ParsToday-ը։
Երկուշաբթի օրը, քննադատելով Թուրքիայի բանակի՝ Սիրիայի տարածք ներխուժումը, այդ երկրի խորհրդարանը հայտարարել է, որ դեմ է օկուպացմանը։
Սիրիայի խորհրդարանը հայտարարել է, որ Թուրքիայի նախագահ Ռեջեփ Թայիփ Էրդողանը շարունակում է օգտվել միջազգային ստեղծված իրավիճակից և Սիրիայում գրավել նոր շրջաններ»։
Սիրիայի խորհրդարանի հայտարարության մեջ ասվում է, որ Թուրքիան, օկուպացիայի միջոցով նպատակ ունի բռնի տեղահանել տարածքի բնակիչներին, փոխելով դրա ժողովրդագրական կառուցվածքը և ստեղծել նոր իրականություն, որը սպառնում է տարածաշրջանի և աշխարհի խաղաղությանը և անվտանգությանը։
Խորհրդարանը հայտարարել է, որ Դամասկոսը կօգտագործի ռազմաքաղաքական բոլոր հնարավոր միջոցները՝ պաշտպանելու իր ժողովրդին Թուրքիայի, ԱՄՆ-ի և սիոնիստական ռեժիմի օկուպացիայից:
Հարկ է նշել, որ վերջին օրերին, Թուրքիայի բանակն ու վարձկանները հրետանային և հրթիռային հարվածներ են հասցրել Հալեպ նահանգում։ Ի պատասխան՝ սիրիական բանակը Մարա քաղաքի շրջակայքում ռմբակոծել է ահաբեկիչների դիրքերը։