ՌԴ ՊՆ-ը ուկրաինական զորքերի հետ մարտական գործողությունների կադրեր է հրապարակել (տեսանյութ)
ՌԴ ԶՈՒ զինծառայողները հետ են մղել Ուկրաինայի Զինված ուժերի հակագրոհը, որը փորձել է վերականգնել հենակետի վերահսկողությունը։ Այդ մասին շաբաթ լրագրողներին հայտնել են ՌԴ պաշտպանության նախարարությունում, գրում է ՏԱՍՍ-ը:
Գերատեսչությունը հիշեցրել է, որ ռուս դեսանտայիններն ուկրաինացի զինվորականներին դուրս են մղել բարենպաստ բարձրության վրա գտնվող հենակետից։ Ավելի ուշ ուկրաինական կողմը փորձ է արել այն նորից գրավել։
«Ռուս դեսանտայինների կրակի արդյունքում Ուկրաինայի զինված ուժերի հակահարվածը խափանվել է»,- հայտնել են գերատեսչությունում։
Ինչպես նշվում է գերատեսչությունում, օդադեսանտային ուժերը ոչնչացրել են երկու զրահափոխադրիչներ և Ուկրաինայի զինված ուժերի մոտ 20 զինծառայող։
Նաև ՌԴ պաշտպանության նախարարությունը հրապարակել է մարտերի կադրեր։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
