Մենք հաստատված 39 գերի ունենք. Նիկոլ Փաշինյան
Բրյուսելում հիմնական քննարկվող թեմաներից մեկը եղել է գերիների հարցը․ ԵՄ-ի և միջազգային կազմակերպությունների դիրքորոշումն այն է, որ օր առաջ գերեվարված մեր հայրենակիցներն պետք է վերադարձվեն: Այս մասին այսօր՝ Ազգային ժողովում հայտարարեց Նիկոլ Փաշինյանը:
«Մեր դիրքորոշումը շարունակում է մնալ նոյեմբերի 9-ի եռակողմ հայտարարությունը, որ բոլոր պահվող անձինք, ռազմագերիներն ու պատանդները պետք է վերադարձվեն։ Մինչև այս պահը հաստատված 39 գերի կա Ադրբեջանում, որոնցից մեկը վերջերս է մոլորվել ու հայտնվել ադրբեջանցիների վերահսկողության ներքո տարածքում»,- հայտարարեց վարչապետը։
Փաշինյանը արդյունավետ համարեց միջազգային հանրության ճնշումն ու աջակցությունը։
