Քաղաքացու օրվա առթիվ Փաշինյանը հյուրընկալել է տարբեր դպրոցներ ներկայացնող աշակերտների
Հայաստանի վարչապետ Նիկոլ Փաշինյանն այսօր՝ Քաղաքացու օրվա առթիվ հանդիպում է ունեցել Կրթության, գիտության, մշակույթի և սպորտի նախարարին կից աշակերտական խորհրդի անդամներին, որոնք ներկայացնում են հանրապետության տարբեր դպրոցների 8-11-րդ դասարանները:
«Քաղաքացու օրվա առիթով կառավարությունում հյուրընկալել եմ ԿԳՄՍ նախարարին կից աշակերտական խորհրդի՝ տարբեր դպրոցներ ներկայացնող 8-11-րդ դասարանի աշակերտներին:
Հանդիպմանը պատասխանել եմ նրանց մի շարք հարցերի, որոնք վերաբերել են հայրենասիրությանը, կրթության ոլորտի զարգացմանը, հասարակական, քաղաքական կյանքում կանանց ներգրավվածությանը և այլ թեմաների»,- գրել է Փաշինյանը իր ֆեյսբուքյան էջում:
Հանդիպմանը ներկա են եղել նաև վարչապետի աշխատակազմի ղեկավար Արայիկ Հարությունյանը, ԿԳՄՍ նախարար Վահրամ Դումանյանը, ԿԳՄՍ նախարարի տեղակալ Ժաննա Անդրեասյանը:
