Ռուսաստանին ՄԱԿ անվտանգության խորհրդից դուրս թողնել չի ստացվի, ասել է ԱՄՆ ներկայացուցիչը
Ռուսաստանին և ՄԱԿ անվտանգության խորհրդից դուրս թողնել չի ստացվի, MSNBC-ին տված հարցազրույցում խոստովանել է համաշխարհային կազմակերպությունում ԱՄՆ դեսպան Լինդա Թոմաս–Գրինֆիլդը։
«Անվտանգության խորհուրդը ստեղծվել է Երկրորդ համաշխարհային պատերազմից հետո ՄԱԿ-ի ստեղծման արդյունքում: Նրանք (Ռուսաստանը – խմբ.) Անվտանգության խորհրդի անդամներ են: Սա փաստ է: Մենք չենք կարող փոխել այդ փաստը»,- ասել է նա:
Երեքշաբթի օրը Վլադիմիր Զելենսկին, ելույթ ունենալով ՄԱԿ անվտանգության խորհրդի առջև, որտեղ Մոսկվան, որպես մշտական անդամ ունի վետոյի իրավունք, առաջարկել է, որ խորհուրդը լուծարվի կամ բացառի Ռուսաստանին իր կազմից։
Ռուսաստանը, ԱՄՆ-ը, Չինաստանը, Մեծ Բրիտանիան և Ֆրանսիան Անվտանգության խորհրդի մշտական հիմունքներով անդամներ են, այդ երկրներից յուրաքանչյուրն ունի վետոյի իրավունք։ Լրացուցիչ տասը անդամներ ընտրվում են Գլխավոր ասամբլեայի կողմից երկու տարի ժամկետով:
ՄԱԿ-ի կանոնադրության մեջ փոփոխություն է պահանջվում՝ Ռուսաստանին Անվտանգության խորհրդից հեռացնելու համար։ Նման ուղղում ընդունելու համար անհրաժեշտ է Անվտանգության խորհրդի բոլոր մշտական անդամների ստորագրությունները։ Ընդ որում, Ռուսաստանը իրավունք ունի վետո դնել նման առաջարկի վրա։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։