Ադրբեջանի փախստականները կվերադառնան Հայաստա՞ն․ Որոնք են 5 պահանջները, որ Ադրբեջանը ներկայացրել է Հայաստանին
Հայաստանի և Թուրքիայի արտգործնախարարները հանդիպման ժամանակ վերահաստատել են իրենց պատրաստակամությունը շարունակել հարաբերությունների կարգավորման գործընթացը՝ առանց որևէ նախապայմանի։ Նույն պահին Թուրքիայում է նաև Ադրբեջանի ԱԳ նախարարը՝ նշելով, որ խաղաղության հաստատման համար իրենք Հայաստանին են փոխանցել 5 կետանոց պահանջներ։
- Հայաստանի կողմից Ադրբեջանի տարածքային ամբողջականության ճանաչումը՝ այդ թվում Արցախի հանդեպ ցանկացած պահանջից հրաժարում։
- Հայկական զորքերի դուրսբերում, ՀՀ տարածքից, այսպես կոչված, «անկլավներից», խոսքը Արարատի մարզի Տիգրանաշեն և Տավուշի մարզի 5 գյուղերի մասին է։
- Հայ-ադրբեջանական սահմանի դեմարկացիա և դելիմիտացիա՝ 1970 թվականի խորհրդային քարտեզի հիման վրա։
- Տրանսպորտային հաղորդակցության ապաշրջափակում՝ այդ թվում հատուկ կարգավիճակ տալով, այսպես կոչված, «Զանգեզուրի միջանցքին»։
- Ադրբեջանի փախստականների՝ Հայաստան վերադառնալու հնարավորության քննարկում կամ նրանց նյութական վնասի փոխհատուցում։
Սա թուրք-ադրբեջանական կողմի պատկերացրած հարաբերությունների կարգավորման ճանապարհային քարտեզն է։
