Երևանի Կապույտ մզկիթում տեղի է ունեցել միջոցառում՝ նվիրված գեներալ Սոլեյմանիի հիշատակին (տեսանյութ)
Երևանի Կապույտ մզկիթում տեղի է ունեցել միջոցառում՝ նվիրված ԻՀՊԿ «Ղոդս» ստորաբաժանման հրամանատար, գեներալ Սոլեյմանիի հիշատակին:
Միջացառման ժամանակ, որին մասնակցել են Հայաստանում բնակվող իրանցիներ և հայ հյուրեր, Երևանում ԻԻՀ դեսպան Աբբաս Զոհուրին խոսել է տարածաշրջանի ժողովուրդներին մոբիլիզացնելու և համաշխարհային դավադրություններին դիմակայելու գործում գեներալ Սոլեյմանիի դերի մասին: Նա նշել է. «Գեներալ Սոլեյմանիի հետ համաշխարհային ամբարտավանության թշնամության արմատը պետք է փնտրել նրա այս մեծ հատկանիշի մեջ»։ Այս մասին գրում է ParsToday–ը:
Բանախոսները խոսելով գեներալ Սոլեյմանիի առանձնահատկությունների մասին, նշել են, որ դիմադրության, նահատակության, անձնազոհության, բարոյական արժեքների, սիրո և խաղաղության մասին նրա գաղափարները պատկանում են ամբողջ մարդկության և նա բազմաթիվ հետևորդներ ունի, ինչի շնորհիվ նրա գաղափարները տարածվում են ամբողջ աշխարհում:
Նշելով, որ գեներալ Սոլեյմանիի գաղափարախոսությունը սահմաններ չի ճանաչում, բանախոսները հավելել են, որ գեներալը ճնշումների, անարդարության և ահաբեկչության դեմ պայքարի խորհրդանիշ է:
Գեներալ Սոլեյմանին և նրա զինակիցները սպանվել են 2020 թ․ հունվարի 3-ին՝ Բաղդադի օդանավակայանում ամերիկյան օդուժի իրականացրած ավիահարձակման հետևանքով: Հարձակման հրամանը տրվել էր ԱՄՆ նախկին նախագահ Դոնալդ Թրամփի կողմից:
