Զրպարտության համար՝ մինչև 6 մլն, վիրավորանքի համար՝ մինչև 3 մլն դրամ տուգանք. նախագիծն ընդունվեց

Այսօր խորհրդարանը երկրորդ ընթերցմամբ և ամբողջությամբ ընդունեց ԱԺ «Իմ քայլը» խմբակցության պատգամավոր Ալեն Սիմոնյանի հեղինակած Քաղաքացիական օրենսգրքում փոփոխություններ կատարելու մասին նախագիծը, համաձայն որի՝ զրպարտության և վիրավորանքի համար նախատեսված տուգանքների չափը կավելանա։

Նախագծով առաջարկվում է վիրավորանքի համար սահմանել մինչև 3 մլն դրամ փոխհատուցում, իսկ զրպարտության համար՝ մինչև 6 մլն դրամ։

Մինչ այս գործող օրենքով վիրավորանքի համար սահմանված էր մինչև 1 մլն դրամ տուգանք, իսկ զրպարտության համար՝ մինչև 2 մլն դրամ։

Նշենք նաև, որ Կառավարությունը բացասական եզրակացություն էր տվել այս նախագծին՝ նշելով, որ տուգանքի չափը պետք է նվազեցվի։ Արդարադատության փոխնախարար Վահե Դանիելյանը հայտնել էր, որ իրենք առաջարկում են վիրավորանքի համար սահմանել մինչև 2 մլն դրամ, իսկ զրպարտության համար՝ մինչև 3 մլն դրամ տուգանք։