Իշխանությունը ռազմական դրության ռեժիմից հրաժարվելու փոխարեն՝ կատարելագործում է այդ ռեժիմի օրենքը. «Հրապարակ»
«Հրապարակ» թերթը գրում է. «Կառավարությունը շրջանառության մեջ է դրել ռազմական դրություն հայտարարված տարածքում բնակչության կենսագոյության, ռեժիմային, հատուկ ռեժիմային, հատուկ պահպանվող օբյեկտների և տրանսպորտի գործունեությունն ապահովող, ինչպես նաև բնակչության կյանքի ու առողջության, շրջակա միջավայրի համար առավել վտանգ ներկայացնող օբյեկտների աշխատանքի հատուկ ռեժիմ սահմանելու մասին օրենքի նախագիծ:
Մասնավորապես․ «Հատուկ ռեժիմով սահմանվում են ռազմական դրություն հայտարարված տարածքներում իրավաբանական անձանց կամ անհատ ձեռնարկատերերին պատկանող հատուկ ռեժիմային օբյեկտների աշխատանքների կազմակերպման առանձնահատկությունները, օբյեկտներում անցագրային և ներօբյեկտային ռեժիմների սահմանումները»:
Ակնհայտ է, որ իշխանությունը ռազմական դրության ռեժիմից հրաժարվելու փոխարեն կատարելագործում է այդ ռեժիմի օրենքը, հատուկ պահպանվող օբյեկտների անվտանգությունն է բարձրացնում»:
Առավել մանրամասն՝ թերթի այսօրվա համարում
