Արյան մեջ թաթախված Ադրբեջանին Իտալիան հրավիրել է G-20-ի գագաթնաժողով, Հայաստանին՝ ոչ. Միքայել Մինասյան
Վատիկանում Հայաստանի նախկին դեսպան Միքայել Մինասյանը իր թելեգրամյան ալիքում գրում է. «Միջազգային ահաբեկիչների ներգրավմամբ Արցախում հերթական պատերազմ սանձազերծած ագրեսորը, հազարավոր կորած և խեղված կյանքերի համար պատասխանատու ռազմական հանցագործ Ադրբեջանը հրավիրված է G-20 գագաթնաժողովին: Հրավիրված է, ուշադրություն, Իտալիայի կողմից: Իտալիան G-20-ում իր նախագահության ընթացքում ինքն է ընտրում և հրավիրում գագաթնաժողովին իր համար կարևոր պետություններին: Իտալիան՝ ժամանակին Հայաստանի ամենաբարեկամ երկրներից մեկը: Միշտ մեր կողքին՝ և՛ վշտի, և՛ ուրախության ժամանակ: Իտալիան առնվազն հավասարակշռված մոտեցումներ ուներ Հայաստանին վերաբերող հարցերում: Արյան մեջ թաթախված Ադրբեջանին հրավիրելով G-20-ի գագաթնաժողով՝ Իտալիան նույնիսկ չի էլ անհանգստացել ապահովել հավասարության սկզբունքը՝ Հայաստանին ևս հրավիրելով գագաթնաժողովին: Նիկոլը, Արտաքին գործերի նախարարությունը, պաշտոնյաները և ընդհանրապես ամբողջ հասարակությունը ձևացնում են, թե ոչ մի սարսափելի բան չի եղել: Մենք որոշեցինք, որ ամեն ինչ հետևում է և նոր առաջնահերթություններ դրեցինք, ուստի ինչո՞ւ, օրինակ, իտալացիները պետք է ավելի շատ Հայաստանը սիրեին, քան մենք՝ հայերս:
Վերոնշյալը ևս մեկ վառ, և ավելի դառը ապացույցն են այն բանի, որ մեր դիվանագիտությունը, արտաքին քաղաքականությունը և պետական ինստիտուտները ոչնչացվել են և անգործունակ են: Նիկոլիզմը ներսից ոչնչացրեց մեր պետությունը և զրոյացրեց Հայաստանի ազդեցությունը նրա սահմաններից դուրս: Մենք կորցնում ենք մեր արժանապատվությունը, մեզ վրա ոտքերը սրբում են: Եվ քանի դեռ մենք թույլ ենք տալիս այս դավաճաններին ներկայացնել Հայաստանը, աշխարհի արձագանքը չի կարող այլ լինել (և երբեք չի էլ լինի):
Քանի դեռ ինքներս մեզ չենք հարգում, մյուսները մեզ չեն հարգելու:
