Իրանի ԱԳՆ-ն անդրադարձել է Պուտին-Փաշինյան-Ալիև հանդիպմանը
Շաբաթ օրը Աշխաբադում Տնտեսական համագործակցության կազմակերպության 15-րդ գագաթնաժողովի շրջանակներում Իրանի արտգործնախարար Հոսեյն Ամիր-Աբդոլլահյանը բանակցություններ է վարել Ադրբեջանի Հանրապետության արտաքին գործերի նախարար Ջեյհուն Բայրամովի հետ։
Այս մասին հայտնում է Mehr լրատվական գործակալությունը։:
Ամիր-Աբդոլլահյանը, ով ուղեկցում է Իրանի նախագահ Էբրահիմ Ռաիսիին Թուրքմենստան կատարած այցի ժամանակ, Աշխաբադում հանդիպել և բանակցություններ է վարել իր ադրբեջանցի գործընկեր Ջեյհուն Բայրամովի հետ։
Հանդիպման ընթացքում երկու նախարարները քննարկել են փոխադարձ հետաքրքրություն ներկայացնող հարցեր։
Իրանի արտգործնախարարը երկու երկրների համագործակցությունը քաղաքական, տնտեսական, մշակութային և լրատվական տարբեր ոլորտներում «կարևոր» է համարել՝ դրական գնահատելով Ադրբեջանի փոխվարչապետի վերջին այցը Թեհրան։
Ամիր-Աբդոլլահյանը ողջունել է Սոչիում Ռուսաստանի, Ադրբեջանի և Հայաստանի եռակողմ հանդիպման անցկացումը՝ այն համարելով կարևոր, արդյունավետ և կառուցողական քայլ տարածաշրջանում ճգնաժամի հաղթահարման ուղղությամբ։
