Թուրքիան միշտ պատրաստ է մոբիլիզացնել իր հնարավորությունները Ադրբեջանի խնդիրները լուծելու համար. Թուրքիայի պաշտպանության նախարար
Թուրքիայի ազգային պաշտպանության նախարար Հուսուլի Աքարը, որը գտնվում է Ադրբեջանում, այսօր հանդիպել է ադրբեջանցի գործընկեր Զաքիր Հասանովի հետ, այնուհետև նախարարները հանդես են եկել համատեղ ասուլիսով:
Թուրք նախարարը խոսել է երկու երկրի պատմական ընդհանրության մասին՝ ընդգծելով, որ իրենց եղբայրությունն անխախտելի և հավերժ է: Վերջինս նշել է, որ Թուրքիան միշտ պատրաստ է մոբիլիզացնել իր հնարավորությունները Ադրբեջանի խնդիրները լուծելու համար:
Ադրբեջանի պաշտպանության նախարարը, իր հերթին, անդրադառնալով համատեղ զորավարժություններին, շեշտել է, որ այդ ուղղությամբ տարվող աշխատանքները շարունակվելու են:
