Շուշիում հանդիպել են Ալիևն ու Թուրքիայի ՊՆ Հուլուսի Աքարը

Նոյեմբերի 8-ին Ադրբեջանի նախագահ Իլհամ Ալիևն Արցախի՝  44-օրյա պատերազմի հետևանքով Բաքվի վերահսկողության տակ անցած Շուշի քաղաքում ընդունել է Թուրքիայի ազգային պաշտպանության նախարար Հուլուսի Աքարի գլխավորած պատվիրակությանը։

Այս մասին հայտնում է Ալիևի մամուլի ծառայությունը։

Աքարը շնորհավորել է Ալիևին հաղթանակի օրվա առթիվ, ինչպես նաև փոխանցել Թուրքիայի նախագահ Ռեջեփ Թայիփ Էրդողանի շնորհավորանքը։ Ալիևը, իր հերթին, երախտագիտություն է հայտնել այն փաստի համար, որ նման նշանակալից օրը Թուրքիայի զինված ուժերի ղեկավարները ժամանել են Շուշի։