Նա միշտ կլինի մեր սրտերում․ «Եվրատեսիլի» պաշտոնական էջը Հայկոյի մասին
«Եվրատեսիլ» երաժշտական մրցույթի պաշտոնական էջը հրապարակում է արել ի հիշատակ սիրված երգիչ, կոմպոզիտոր Հայկոյի։
ՀՀ վաստակավոր արտիստը կորոնավիրուսային հիվանդանություն ուներ, և բժիշկները օրեր շարունակ պայքարում էին նրա կյանքի համար։
2007թ․-ին Հայկոն երաժշտական մրցույթում ներկայացրել է Հայաստանն ու զբաղեցրել ութերորդ հորիզոնականը։
We’re very sorry to hear of the passing of Armenian artist Hayko.
Hayko represented his country at Eurovision 2007 where he finished 8th with his touching ballad ‘Anytime You Need’.
You will always be in our hearts ❤️💙🧡 pic.twitter.com/S0iRQgHAUY
— Eurovision Song Contest (@Eurovision) September 29, 2021
Հայկոն մահացել է 2021 թվականի սեպտեմբերի 29-ին։
Հայկ Հակոբյանը սովորել է Երևանի թիվ 170, ապա՝ Թումանյանի անվան թիվ 32 միջնակարգ դպրոցներում։ 1987-ին ավարտել է Երևանի Տ. Չուխաճյանի անվան երաժշտական դպրոցը և ընդունվել Ռ. Մելիքյանի անվան երաժշտական ուսումնարան։ 1996-ին «Մոսկվա-96» երգի փառատոնում արժանացել է 1-ին մրցանակին։ 1997-ին մասնակցել է Նյու Յորքի «Big Apple» երգի փառատոնին և դարձել հաղթող։ 1998-ին հայկական «Այո» երգի մրցույթում արժանացել է «Լավագույն հեղինակ-կատարող» մրցանակին։
1999-ին ավարտել է Երևանի Կոմիտասի անվան պետական կոնսերվատորիան։ 1998, 1999, 2002, 2003 և 2006 թվականներին հայկական երաժշտական ամենամյա մրցանակաբաշխությանն արժանացել է «Տարվա լավագույն երգիչ» մրցանակին, 2002-ին՝ «Տարվա լավագույն նախագիծ», «Տարվա լավագույն ալբոմ», 2003-ին՝ «Տարվա լավագույն տեսասկավառակ» մրցանակներին։