Ո՞նց կարելի է հանգիստ դիտել, թե ինչպես է երկիրը գլորվում անդունդ․ Արման Աբովյան
Հարաբերկան հանգիստ իրավիճակը բնավ չի նշանակում ,որ թուրքերի և ադրբեջանցիների հետ իբր «խաղաղություն» հաստատելու կործանարար գործընթացները մարել են։
Հավատացնում եմ ձեզ, որ ՈՉ։
Շատ շուտով իշխանամետ թուրքասեր գործիչները և լրտվականները ձեր ուղեղները կրկին կսկսեն լվանալ սահմանների բացման, Թուրքիայի և Ադրբեջանի հետ իբր հարաբերությունների հաստատման, «խաղաղության դարաշրջանի» մասին հայակործան հեքիաթներով:
Մինչդեռ այս ամենը ընդամենը ճանապարհ է դեպի հայկական պետականության գործնական կազմաքանդում և կապիտուլյացիոն պատերազմի արդյունքների ամրապնդման գործընթաց:
Մեզ բոլորիս «տակից» սկսելու են վախեցնել, թե բա եթե թուրքերի և ադրբեջանցիների հետ «լեզու» չգտնենք (այսինքն, ըստ թուրքասերների տրամաբանության պետք է լինելու հաձայնվել թուրքերի և ադրբեջանցիների բոլոր պայմաններին), ապա վերջ… նոր պատերազմ և նոր զոհեր։
Օրինակ շուտով անպայման կլսեք հարաբերությունների բարելավման «ճանապարհային քարտեզ» մշակելու հայ-թուրքական համատեղ նախաձեռնության մասին, ինչը նույնպես խաբեություն է, քանի որ ամբողջ գործընթացն իմ կարծիքով արդեն պլանավորված է` իրականացման փուլերով հանդերձ:
Իրականում իշնանության այս գործողությունները ոչ մի կերպ չեն նպաստում խաղաղությանը, այլ հակառակը՝ մոտեցնում են հերթական ռազմական էսկալացիան:
Եվ ի դեպ, շուտով ակնկալեք Արցախի շփման գծում և Հայաստանի օկուպացված տարածքներում ադրբեջանցիների կողմից սադրանքների ավելացում:
Եվ այդ սադրանքնները նույնպես կօգտագործվեն հայկական գերսուպերխաղաղասեր կառավարության կողմից՝ գեներացնելով հասարակության շրջանում վախեր, որ թշնամի պետությունների հետ այսպես կոչված «սահմանազատման և հաղորդակցության բացման» շրջանակներում թուրք-ադրբեջանական օրակարգը իրականցվի:
Ախր ո՞նց կարելի է հանգիստ դիտել, թե ինչպես է երկիրը գլորվում անդունդ։
Արման Աբովյանի ֆեյսբուքյան էջից։