Արթուր Ղազինյանը կառաջադրվի երրորդ անգամ
«Հայաստան» խմբակցությունը երրորդ անգամ ԱԺ պաշտպանության և անվտանգության հարցերի հանձնաժողովի ղեկավարի տեղակալի պաշտոնում կառաջադրի Արթուր Ղազինյանի թեկնածությունը: Այս մասին տեղեկացնում է խմբակցության քարտուղար Արծվիկ Մինասյանը:
Իշխող մեծամասնությունն արդեն երկու անգամ մերժել է Արթուր Ղազինյանի թեկնածությունը՝ որպես հիմնավորում ներկայացնելով, թե վերջինս հեռու է ռազմական գործից։
Մինասյանի խոսքով՝ իրենք վստահ են, որ Արթուր Ղազինյանը լավագույնս կիրականացնի Պաշտպանության և անվտանգության հարցերի հանձնաժողովի փոխնախագահի գործառույթները։
