Հայաստանում Ռուսաստանի դեսպանատունը բացահայտեց Նիկոլի սուտը
Մեր 15 գերիների վերդարձից հետո Հայաստանի կառավարությունը շտապել էր հայտարարությամբ հանդես գալ, թե, բա քանի որ ադրբեջանցիները մեզ են հանձնել մեր 15 տղաներին, «հայկական կողմը որպես բարի կամքի դրսևորում Ադրբեջանին է փոխանցել Ֆիզուլիի ու Զանգելանի շրջանների ականապատ դաշտերի քարտեզները»… Դրանից առաջ Ադրբեջանի ԱԳՆ-ը հայտարարությամբ էր հանդես եկել և շատ պարզ նշել էր, որ Բաքուն 15 գերիներին հանձնել է հայկական կողմին այդ քարտեզների դիմաց… Այսինքն՝ մեր իշխանությունների և Բաքվի հայտարարությունները հակասում էին իրար…
Այս երկու իրարամերժ հայտարարություններից հետո ՀՀ-ում ՌԴ դեսպանատան ֆեյսբուքյան էջում տեղադրված հայտարարությունից պարզվեց, որ դավաճան Նիկոլն այդ քարտեզները վաղուց է խոստացել Բաքվին և դրանցից ինչ-որ մասը, ըստ պայմանավորվածության հիմա է տալիս Իլհամ Ալիևին… Ադրբեջանն էլ, ըստ ՀՀ-ում ՌԴ դեսպանատան, ազատել է 15 գերիների…
Այսպիսով, Հայաստանում ՌԴ դեսպանատունը փաստացի հերքեց Նիկոլի կառավարության տարածած ստերը, թե ադրբեջանցիներն ազատել են մեր 15 գերիներին առանց ինչ-որ պայմանների, իսկ մենք դրա դիմաց «որպես բարի կամքի դրսևորում Ադրբեջանին ենք փոխանցել Ֆիզուլիի ու Զանգելանի շրջանների ականապատ դաշտերի քարտեզները»…
Եվս մեկ անգամ կրկնեմ՝ Նիկոլը չի կարող հավասարը հավասարին բանակցի իրեն ծնկի բերածի և պարտության մատնածի՝ Իլհամ Ալիևի հետ… Նա ընդամենը կատարում է Բաքվի գրեթե բոլոր հրահանգները…
Գագիկ Համբարյանի ֆեյսբուքյան էջից
