«Հայոց արծիվներ» միասնական Հայաստան»-ի ցուցակը կգլխավորի Խաչիկ Ասրյանը. Հայտնի է առաջին տասնյակը
«Հայոց արծիվներ» միասնական Հայաստան» կուսակցությունը այսօր ԿԸՀ է ներկայացրել ընտրություններին մասնակցելու համար անհրաժեշտ փաստաթղթերը, այդ թվում ընտրական ցուցակը:
Կուսակցության առաջնորդ Խաչիկ Ասրյանը NEWS.am-ի հետ զրույցում նշեց, որ իրենց ցուցակում ընդգրկված է 86 թեկնածու:
Հարցին, թե որ ուժերի հետ կհամագործակցեն խորհրդարանում, Ասրյանը պատասխանեց. «Մենք միշտ համագործակցում է ռազմահայրենասիրական դաշտում գործող ուժերի հետ: Աստծո կամքով ԱԺ մտնելով կհամագործակցենք այն կուսակցությունների հետ, որոնք անմիջական մասնակցություն են ունեցել ապրիլյան և 44-օրյա պատերազմին»: Նա այդպիսի ուժերից նշեց ՀՅԴ-ն, Վանեցյանի «Հայրենիքը», «Ադեկվադը»: Իշխող ուժի հետ համագործակցությունը Խաչիկ Ասրյանը բացառեց:
Ցուցակի առաջին տասնյակում ընդգրկված են հետևյալ անձինք.
- Խաչիկ Ասրյան
- Արայիկ Պարոնյան
- Արմինե Վաղրամյան
- Էդգար Ավետիսյան
- Ավետիս Բաբաջանյան
- Ռոմելա Մոսեսյան
- Սամսոն Զիրոյան
- Հովիկ Գրիգորյան
- Սուսաննա Սուքիասյան
- Արթուր Ղազարյան