Թուրքական քարտեզներում Հայաստանը չկա. պանթուրքիստական ծրագիրը շարունակվում է (տեսանյութ)
Արմինե Սիմոնյանի «Մենք» հեղինակային հաղորդաշարի հյուրերն են՝ գրող, հրապարակախոս, արևելագետ Լիա Ավետիսյանը և աշխարհագրագետ-քարտեզագետ Գրիգոր Բեգլարյանը:
Հայաստանի պետական սահմանի ուղղությամբ Ադրբեջանը շարունակում է իր ագրեսիվ գործողությունները, դրան զուգընթաց Թուրքիան է ակտիվացել: Վերջին օրերին Թուրքիայի տարբեր բարձրաստիճան պաշտոնյաներ, սկսած այդ երկրի նախագահից, ԱԳ նախարարից, հայտարարում են` Ադրբեջանի կողքին են, և փոքր եղբորը հավաստիացնում են, թե. «Պատրաստ ենք զոհել մեր կյանքը՝ հանուն Ադրբեջանի»: Եվ ինչպես միշտ, Արցախյան խնդրին զուգահեռ, Թուրքիան կրկին ժխտողականության դիրքերից անդրադարձավ Հայոց ցեղասպանության փաստին: Օրերս Թուրքիայի պաշտպանության նախարարը ցինիկաբար հայտարարեց` Հայոց ցեղասպանությունը չի եղել ու կոչով դիմեց Հայաստանին՝ բացել արխիվները, նաև հավելեց. «Հայաստանն այսօր թաքնված պահանջներ ունի Թուրքիայի հանդեպ»:
Հայաստանում թուրքական ակտիվությանը ուշի ուշով հետևող մեր մտավորականները լուրջ վտանգներ են տեսնում այս ամենում: Անհանգստություններն ավելի սրվում են` Հայաստանի իշխանության կողմից վարվող խիստ մտահոգիչ քաղաքականության ֆոնին:
Հարցազրույցը դիտեք տեսանյութում։
