Հուլիսի 4-ից Երկրի բնակիչները կարող են հետևել մոլորակների շքերթին
Մոլորակների շքերթը կարելի է տեսնել Երկիր մոլորակից՝ հուլիսի 4-ից օգոստոսի կեսերին, չնայած այն հանգամանքին, որ մոլորակները կհավաքվեն՝ այդպիսի հետաքրքիր խմբավորում կազմելով, գիտության համար երևույթը հետաքրքրություն չի ներկայացնում:
Մոսկվայի աստղադիտարանը ավելի վաղ նշել էր, որ հուլիսի 4-ի գիշերը հնարավոր կլինի անզեն աչքերով դիտել Յուպիտերն ու Սատուրնը (կեսգիշերից) և առավոտյան երկուսից՝ Մարսը, ինչպես նաև առավոտյան Վեներան: Մերկուրին, տեսանելի կլինի միայն հուլիսի 22-ից: Ուրանն ու Նեպտունը, սկզբունքորեն, անզեն աչքով տեսանելի չեն:
Ինչպես «ՌԻԱ Նովոստի» -ին հայտնել է մոսկովյան աստղադիտարանի գիտական ղեկավար Ֆաինա Ռուբլևան, չի կարելի ակնկալել, որ հնարավոր կլինի գնալ պատշգամբ և նկատել, թե ինչպես են մոլորակները խմբավորվում Արևի մի կողմում: Նա նաև հիշեցրել է, որ գիտության մեջ չկա «մոլորակների շքերթ» տերմինը: Դա հորինել են լրատվամիջոցները՝ ուշադրություն գրավելու համար: Այնուամենայնիվ, աստղագետները դեմ չեն երկնային երևույթների դիտարկումները ժողովրդականացնելու այդպիսի եղանակին:
«Մոլորակների շքերթն ընդհանրապես չի ազդի մեզ վրա: Որոշ մարդիկ կապում են ինչ-որ աղետների հետ, մինչև անգամ կորոնավիրուսը են վերագրում դրան, դա անհեթեթություն է: Ո՞ր դարում ենք ապրում: Սա պարզապես մոլորակի կազմաձևերի հերթական կրկնությունն է: Դա հայտնի է: Գիտությունը դրանով չի զբաղվում, քանի որ դրանից ոչ մի փաստ չի կարելի ձեռք բերել բերել», – հավելել է Ռուբլևան:
Ինչպես նշել է ռուս աստղագետ Վլադիմիր Սուրդինը, այս տարվա շքերթը եզակի չի լինի. մոլորակները համընկել են նույն կազմաձևով շուրջ 20 տարի առաջ: Բացի այդ, շքերթը փոքր-ինչ գրավիտացիոն ազդեցություն կունենա Արեգակի վրա, աստղի վրա կարող են տեղի ունենալ փոքր մակընթացություններ:
