Քանի որ առաջին վեբինարին մեր երեսփոխանները «լայաղ չէին արել» մասնակցել ու միայն հանրապետականների կողմից ամոթանք ստանալուց հետո որոշեցին իրենց աշխատանքը անել, մի քանի ցուցում տամ
Երեկ տեղի է ունեցել ԵԱՀԿ Խորհրդարանական վեհաժողովի հերթական վեբինարը, որին արդեն ավանդաբար մասնակցում էր «Ղարաբաղի ադրբեջանական համայնքի ղեկավար և Ստեփանակերտից ընտրված պատգամավոր» ներկայացող սուբյեկտը։ Վեբինարի թեման ահաբեկչության դեմ պայքարն էր, և ադրբեջանցի պատգամավորը ներկայացրեց իրենց կողմից օգտագործվող բոլոր ապատեղեկատվական հնարքները։ Հետո ելույթ ունեցավ ՀՀ ԱԺ պատգամավոր Հայկ Կոնջուրյանը և արձագանքեց բոլոր մեղադրանքներին։ Ու ես քիչ, թե շատ գոհ կլինեի վեբինարից, եթե մի քանի րոպե հետո ելույթ չունենար ադրբեջանցի երկրորդ պատգամավորը՝ շարունակելով վտանգավոր հիմարություններ ասել հակամարտության մասին։ Երկրորդ ադրբեջանցու զառանցանքը մնաց անպատասխան։
Քանի որ առաջին վեբինարին մեր երեսփոխանները «լայաղ չէին արել» մասնակցել ու միայն հանրապետականների կողմից ամոթանք ստանալուց հետո որոշեցին իրենց աշխատանքը անել, մի քանի ցուցում տամ։ Դե, դուք մեր էջերը շատ ավելի ուշադիր եք կարդում, քան միջազգային մամուլը։ Այս հնարքները գիտի ցանկացած մարդ, ով գոնե մեկ անգամ մասնակցել է միջազգային միջոցառման, որին եղել է ներկայացվածություն հարևան երկրից։
- Եթե գրանցվում է ադրբեջանցի պատգամավոր, ապա նա հաստատ խոսելու է հակամարտությունից ու ներկայացնի իրենց ապատեղեկատվությունը։ Ու կապ չունի միջոցառման թեման՝ նույնիսկ եթե խոսքը գնա կենդանիների պաշտպանությունից, ապա նրանք կասեն, թե Արցախում ձի են քշում, որը իրենց ֆաունայի խորհրդանիշն է՝ հետևաբար դրանով հայերը հերթական անգամ ընդգծում են իրենց առավելությունը։
- Եթե գիտեք, որ գրանցվել է ադրբեջանցի պատվիրակ, ապա դուք պիտի խոսեք նրանից հետո։ ՊԱՐՏԱԴԻՐ։ Ու՞ր էին մնացած ձրիպարգևավճարակերները։ Ամբոջ ԱԺ-ում մի պատգամավոր ժամանակ գտավ, որ միանա այս վեբինարին։ Ու չասեք, թե գրանցվելու տարբերակ չկար՝ մոդերատորը մի քանի անգամ նշեց ելույթի համար գրանցվելու կարգը։
- Միևնույն ժամանակ մի դարձեք one issue politician` մեկ թեմայի քաղաքական գործիչ։ Եվրոպացիները այդպես են որակում այն պատգամավորներին, որոնք խոսում են միայն իրենց երկրի խնդիրներից։ Ակտիվ մասնակցեք նաև համաշխարհային քաղաքական օրակարգի մնացած հարցերի քննարկմանը՝ հակառակ դեպքում շատ արագ կդառնաք կանխատեսելի և անհետաքրքիր։
Քանի որ ձեր երևակայությունը հերիքում է միայն ներքաղաքական հակասահմանադրական օրակարգ գեներացնելու վրա՝ մի խորհուրդ էլ տամ. պարզապես հետևեք Թուրալ Գանջալիեվին և ուր գնա, որտեղ խոսի, ինչին մասնակցի՝ ներկա եղեք ու հակադարձեք։ Հուսամ կռահել եք, որ այդ տղան հարևան երկրի ԱԳՆ-ի ու КГБ-ի «լաբորատոր փորձերի» արդյունքում ստացված պրոյեկտ է։ Եթե տեղյակ չեք՝ ասեմ, որ ինքը ոչ միայն ԵԱՀԿ ԽՎ, այլ նաև ԵԽԽՎ ու Եվրոնեսթի ադրբեջանական պատվիրակությունների անդամ է ու ադրբեջանցիք իրեն «խցկելու են» բոլոր հավանական և անհավանական միջազգային հարթակների պատվիրակությունների մեջ։ Հավաքեք պառլամենտական դիվանագիտության պատասխանատուներին՝ տարբեր պատվիրակությունների ղեկավարներին ու ԱԳՆ-ի հետ համատեղ ռազմավարություն մշակեք սրա դեմը առնելու համար։ Ինքն արդեն իսկ մեզ բոլորիս մեծ վնաս է հասցնում։
Կարդացի՞ք, դե հիմա կարող եք վերադառնալ ձեր սիրելի գործերին՝ սահմանադրական կարգ տապալելուն, մեր դեմ ֆեյք քշելուն, ձեր սեղանին դրված Փաշինյանի բրոնզե արձանիկը շոյելուն և այլն։
Հայկ Մամիջանյանի ֆեյսբուքյան էջից
Երեկ տեղի է ունեցել ԵԱՀԿ Խորհրդարանական վեհաժողովի հերթական վեբինարը, որին արդեն ավանդաբար մասնակցում էր «Ղարաբաղի…
Опубликовано Hayk Mamijanyan Среда, 1 июля 2020 г.
