Կորոնավիրուսային հիվանդությունից նախորդ օրը մահացել է յոթ քաղաքացի

Հաստատվել է կորոնավիրուսային հիվանդության 665 նոր դեպք, ապաքինվել է ևս 746 մարդ:

Արձանագրվել է մահվան 7 դեպք: Բուժառուները եղել են 62 (տղամարդ), 65 (կին), 70 (տղամարդ), 79 (կին), 64 (կին), 85 (տղամարդ) և 76 (կին) տարեկան: Բոլորն ունեցել են ուղեկցող քրոնիկական հիվանդություններ։

Հայկական միասնական տեղեկատվական կենտրոնի տվյալներով՝ նախորդ օրն արձանագրվել է մահվան 2 դեպք, երբ բուժառուները ունեցել են հաստատված կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 101 է: