Ժողովրդավարությունն ու օրինականությունը ՀՀ-ում այլընտրանք չունեն․ Նիկոլ Փաշինյանն անդրադարձել է Ծառուկյանի շուրջ ծավալվող իրադարձություններին
ՀՀ վարչապետ Նիկոլ Փաշինյանը ֆեյսբուքյան իր էջում գրառում է արել՝ անդրադառնալով Գագիկ Ծառուկյանի շուրջ տեղի ունեցող իրադարձություններին։
Հիշեցնենք, որ ԱԱԾ-ն կիրակի խուզարկություն էր իրականացրել ԱԺ պատգամավոր, ԲՀԿ նախագահ Գագիկ Ծառուկյանի տանը, ապա նա մոտ 8 ժամ հարցաքննվել էր ԱԱԾ-ում։
Այսօր խորհրդարանը քննարկում է պատգամավորին անձեռնմխելիությունից զրկելու և որպես մեղադրյալ ներգրավելու գլխավոր դատախազի միջնորդությունը։
Նիկոլ Փաշինյանի գրառումը ներկայացնում ենք ստորև․
«Ժողովրդի ազատ կամարտահայտմանը խոչընդոտելու (եւ ընդհանրապես՝ կոռուպցիայի, չարաշահումների, հարկեր վճարելուց խուսափելու եւ այլ) բոլոր դեպքերը պետք է Հայաստանի օրենսդրությամբ սահմանված կարգով քննվեն եւ հանգեն օրենքով նախատեսված արդյունքի:
Ազատությունը, ժողովրդավարությունը, օրինականությունը Հայաստանում այլընտրանք չունի: Բոլորը հավասար են օրենքի առաջ»:
