Որպեսզի «Armcomedy» հաղորդաշարը թեմայի պակաս չունենա
Հայաստանը խորհրդարանական երկիր է, հետևաբար այդ մամինն է երկրի պրոբլեմների քաղաքական պատասխանատուն։
– Ո՞վքեր են նրանք՝ խորհրդարանականները։
– Բացառությամբ ընդդիմության մի շարք պատգամավորների՝ մյուսներին հիմնականում չենք ճանաչում։
– Իսկ ո՞վ է ընտրել նրանց։
– Ոչ ոք։
– Բա ու՞մ են ընտրել։
– Իհարկե՝ Նիկոլ Փաշինյանին։
– Որ ի՞նչ անի։
– Որպեսզի ժողովուրդը լավ ապրի, արդարություն լինի, լավ կառավարություն ձևավորվի, «թալանը» բացահայտի և այլն։
– Ինչպե՞ս պետք է դա իրականացնի։
– Իհարկե՛՝ օրենքներով ու կառավարության որոշումներով։
– Իսկ ի՞նչ օրենքներ և որոշումներ են ընդունվել։
– «Լանզերոտեի» կոնվեցիան վավերացնելու օրենք, հեռախոսները զանգվածաբար լսելու օրենք, վարակելու և այլ պատճառներով տուգանելու օրենքներ, գույքահարկը բարձրացնելու օրենք, հանրաքվեի մասին օրենք, բանկային գաղտնիք բացահայտելու օրենք, արտակարգ դրության մասին ուշացած օրենք, 100%-անոց պարգևավճարների մասին որոշում, աշխատավարձերը 10%-ով բարձացնելու մասին որոշումներ ու բազմաթիվ մանր- մունր փոփոխություններ և սոցիալական «աջակցության» որոշումներ։
– Ի՞նչ է փոխվել դրանից։
– Չգիտենք, չի երևում, պարզ չի։
– Ո՞վ է մեղավոր, վարչապետ՞ը։
– Ո՛չ ազգային ժողովի մեծամասնությունը։
– Ինչու՞։
– Որովհետև նա է ընտրել վարչապետին, հաստատել կառավարության ծրագիրը և հաշվետվությունը։ Նա է քաղաքական որոշումների թիվ մեկ պատասխանատուն։ Նա է բարձրագույն ներկայացուցչական մարմինը։
– Բա ու՞մ է պետք այդպիսի խորհրդարանը, երբ երկրում քայքայվում են ինստիտուցիոնալ կառավարման բոլոր հիմքերը, երբ չկան զարգացման ծրագրեր ու քաղաքական հեռանկարներ։
– Այս խորհրդարանը պետք է երկու բանի համար.
ա) որպեսզի երկիրը վերահաս աղետից ետ դարձնելու նպատակով փոխի վարչապետին և կառավարությանը.
բ) որպեսզի «Armcomedy» հաղորդաշարը հումորի պակաս չունենա՝ եթեր հեռարձակվելու համար։
– Իսկ նախորդ խորհրդարաններից հումոր չէ՞ր ստացվում արդյոք։
– Ստացվում էր, բայց այս մեկը՝ միայն հումոր է ու ողբերգություն։
Արտակ Զաքարյանի ֆեյսբուքյան էջից
Որպեսզի «Armcomedy» հաղորդաշարը թեմայի պակաս չունենաՀայաստանը խորհրդարանական երկիր է, հետևաբար այդ մամինն է երկրի…
Опубликовано Արտակ Զաքարյան Artak Zakaryan Пятница, 5 июня 2020 г.