Լավրովը Թեհրանում հանդիպել է Արաղչիի հետ

Ռուսաստանի արտաքին գործերի նախարար Սերգեյ Լավրովը ժամանել է Թեհրան և հանդիպել իր գործընկեր Աբբաս Արաղչիի հետ։

Ռուսաստանի և Իրանի ԱԳ նախարարները քննարկում են Պարսից ծոցի գոտում լարվածության թուլացմանն ուղղված քայլերը: Այցի ևս մեկ կարևոր թեմա կդառնան Մոսկվայի և Թեհրանի համապարփակ ռազմավարական գործընկերության ամրապնդմանն ուղղված գործնական միջոցառումները:

Հոկտեմբերի 19-ին Լավրովին կընդունի նաև Իրանի նախագահ Մասուդ Փեզեշքիանը։