Չեղարկվել է Էրիկ Գասպարյանի մորը վարչական պատասխանատվության ենթարկելու մասին արձանագրությունը

Երևանի քաղաքապետարանից տեղեկացրել են, որ չեղյալ է համարվել 44-օրյա պատերազմի մասնակից Էրիկ Գասպարյանի մորը՝ Լուսինեին վարչական պատասխանատվության ենթարկելու մասին արձանագրությունը… Հայտնում է փաստաբան Լուսինե Մարտիրոսյանը։

Հիշեցնենք, որ օրեր առաջ Լուսինե Գասպարյանին 15.000 դրամ տուգանելու արձանագրություն էր կազմվել՝ տրանսպորտի դիմաց իբրև չվճարելու համար։ Մինչդեռ  քաղաքապետարանն ու համայնքապետարանը Էրիկ Գասպարյանի մորը արտոնել էր անվճար երթևեկել, նվիրել էր քարտ, որով ամեն օր նա տրանսպորտով գնա Միքայելյան հիվանդանոցի Զինվորի տուն՝ վիրավոր որդուն տեսության:
«Լավ, դուք մարդ եք, մսից ու արյունի՞ց եք»,- գրել էր փաստաբան Լուսինե Մարտիրոսյանը՝ դիմելով քաղաքային իշխանություններին։
Դեպքն ստացել էր հանրային մեծ արձագանք, և այսօր հայտնի դարձավ, որ Լուսինեին տուգանելու արձանագրությունը չեղարկվել է։