ԿԸՀ-ի նպատակն է, որ Նարեկ Կարապետյանը որևէ կերպ ԱԺ-ում ներկայացված չլինի. Արամ Վարդևանյան
«ԿԸՀ-ն կարծեք ինքն իրեն վերաքննության կարգով բողոքարկում իրականացնի»,-անդրադառնալով հանձնաժողովի կողմից ավելի վաղ «Ուժեղ Հայաստան» կուսակցության խորհրդի անդամ Նարեկ Կարապետյանի վերաբերյալ դատախազության միջնորդությունը վերադարձնելուց հետո նորից այն երեկվանից արտահերթ նիստում քննարկելուն՝ հայտարարեց «Ուժեղ Հայաստան» կուսակցության ներկայացուցիչ, փաստաբան Արամ Վարդևանյանը։
Նրա խոսքով, այն, ինչ վերջին օրերին իրականացվում է Նարեկ Կարապետյանի, Դավիթ Ղազինյանի ու այլոց դեմ, իրավաբանությունից դուրս է։ Թե իրավապահ որոշ մարմինների, թե ԿԸՀ-ի գործողություններում հստակ միտում կա, որ Նարեկ Կարապետյանը որևէ կերպ Ազային ժողովում ներկայացված չլինի։
«Այն, որ Վահագն Հովակիմյանի կողմից դիրքորոշումների մեկնաբանության կարողությունը ես չունեմ, մասնագիտությամբ շատ իրավաբաններ չեն էլ կարող ունենալ, քանի որ այն, ինչ խոսում է ԿԸՀ նախագահը, իրավաբանություն չէ»,-ասաց Վարդևանյանը։
