Այժմ Ուկրաինայի հետ բանակցություններ չեն ընթանում. Մարկո Ռուբիո
ԱՄՆ պետքարտուղար Մարկո Ռուբիոն հայտարարել է, որ մայիսի 25-ին կայացած հեռախոսազրույցում ՌԴ արտգործնախարար Սերգեյ Լավրովին հավաստիացրել է Վաշինգտոնի պատրաստակամության մասին՝ աջակցելու Ուկրաինայի հակամարտության կարգավորմանը։
«Ես ասացի, որ այժմ Ուկրաինայի հետ բանակցություններ չեն ընթանում և չեն պլանավորվում, բայց ԱՄՆ-ը միշտ պատրաստ է կառուցողական դեր խաղալ, աջակցություն ցուցաբերել, եթե հնարավորություն ընձեռվի»,- պատմելով կայացած զրույցի մասին՝ նշել է Ռուբիոն։
Ռուբիոն նաև նշել է, որ հակամարտությունը պետք է դադարեցվի։
«Եվ ԱՄՆ-ը պատրաստ է անել հնարավոր ամեն ինչ՝ օգնելու դադարեցնել այս պատերազմը: Հուսով եմ՝ ինչ-որ պահի հնարավորություն կընձեռվի այդ դերը խաղալու համար»,- ընդգծել է նա՝ պատասխանելով լրագրողների հարցերին։
