Եվրոպան համառորեն փորձում է վերակենդանացնել նացիզմը նոր ձևով. Լավրով
Եվրոպական մի շարք երկրներ համառորեն փորձում են վերակենդանացնել նացիզմը նոր ձևով: Այս մասին հայտարարել է ՌԴ ԱԳ նախարար Սերգեյ Լավրովը, հաղորդում է «ՌԻԱ Նովոստի»-ն:
«Կասկած չկա, որ ներկա պայմաններում Հայրենական մեծ պատերազմի մասին հիշողությունը ունի ոչ միայն պատմական նշանակություն, այլև գործնական՝ հաշվի առնելով եվրոպական մի շարք պետությունների համառությունը՝ վերակենդանացնելու նացիզմն արդեն նոր ձևերով»,- ասել է Լավրովը Ղազախստանի արտաքին գործերի նախարար Երմեկ Կոշերբաևի հետ ընդլայնված կազմով բանակցությունների ժամանակ։
Նա հավելել է, որ Ռուսաստանի և Ղազախստանի հարաբերությունների կարևորագույն չափումներից մեկը Հայրենական մեծ պատերազմի հիշողությունն է. երկրները միշտ միասին են նշում Մեծ Հաղթանակի տարեդարձը, երկու երկրներում էլ իրականացնում են հատուկ միջոցառումներ։
Լավրովը պաշտոնական այցով գտնվում է Ղազախստանում։ Նրա ծրագրում ներառված են հանդիպումներ երկրի նախագահ Կասիմ-Ժոմարտ Տոկաևի և արտաքին գործերի նախարար Կոշերբաևի հետ։
