Ռուբեն Վարդանյանը տեղափոխվել է Ումբակի բանտային համալիր
Free Armenian Hostages Իրավապաշտպան Սիրանուշ Սահակյանը հայտարարել է, որ գործարար Ռուբեն Վարդանյանը տեղափոխվել է Ումբակի բանտային համալիր:
Տեղափոխման մասին տեղեկությունը փոխանցվել է ընտանիքի հետ հեռախոսազրույցից հետո:
«Ըստ էության, դատավճիռն օրինական ուժ է ստացել, և հայ գերիները, ըստ Ադրբեջանի օրենսդրության, համարվում են արդեն ոչ թե խափանման միջոցի ներքո գտնվող կալանավորներ, այլ՝ դատապարտյալներ։ Դա հանգեցնում է նաև Քրեակատարողական հիմնարկի փոփոխության»:
Սահակյանը նշել է, որ տեղեկություն չկա գերիների առողջության և բժշկական օգնության հասանելիության մասին:
Մայիսի 4-ին և 5-ին մեր ներկայությամբ պետք է հստակ ուղերձ հասցնենք ԵՄ ղեկավարներին:
Հիշեցնենք, որ Բաքվի ռազմական դատարանը Ռուբեն Վարդանյանին դատապարտել է 20 տարվա ազատազրկման։ Նա «մեղադրվում է խաղաղության և մարդկության դեմ ուղղված հանցագործությունների, ռազմական հանցագործությունների, ահաբեկչության, ահաբեկչության ֆինանսավորման և այլ ծանր հանցագործությունների հոդվածներով»։
