Սիրիացի ապստամբների հաջողությունները կարող են սրել Թուրքիայի, Իրանի և Ռուսաստանի հարաբերությունները

Թուրքիայի աջակցությունը վայելող սիրիացի ապստամբների սրընթաց հաջողությունները սպառնում են լարվածություն առաջացնել Թուրքիայի, Իրանի և Ռուսաստանի՝ Սիրիայում 13 տարի շարունակվող քաղաքացիական պատերազմի հիմնական արտաքին խաղացողների միջև:

Մինչ Սիրիայում ապստամբները շարունակում են իրենց առաջխաղացումը գետնի վրա՝ Իրանի արտգործնախարար Աբաս Արաղչին բանակցություններ է վարել իր թուրք գործընկեր Հաքան Ֆիդանի հետ:

Թուրքիան, որը սիրիացի ապստամբների աջակիցն է, կոչ է անում երկխոսություն սկսել Դամասկոսի հետ, իսկ Ֆիդանը հայտարարել է, թե բանակցություններին պետք է մաս կազմի նաև սիրիական ընդդիմությունը:

Չնայած հնչող զուսպ խոսքերին, դիտորդները նշում են՝ սիրական զարգացումները ընդգծում են Անկարայի և Թեհրանի աճող տարաձայնությունները Դամասկոսի հարցում:

«Իրանի վարչակազմն իր ջանքերի մեծ մասը կենտրոնացրել է Ասադի ռեժիմի նկատմամբ լծակներ ունենալու համար: Եվ նրանք շատ զգույշ ու դեմ են Թուրքիա-Ասադ հնարավոր երկխոսությանը: Իրանը, գուցե, Թուրքիայի թշնամին չէ, բայց Թուրքիայի նկատմամբ իրեն բարեկամաբար չի պահում»,- ասում է Մարմարայի համալսարանի պրոֆեսոր Բիլգեհան Ալագոզը:

Ավելին՝ սկզբնաղբյուրում։