Ստեփանակերտի ողջ պատմական կենտրոնը գետնին է հավասարեցվել․ միջազգային կուլիսների հետևում ինչ-որ բան է կատարվում
Արցախի Հանրապետության Մշակութային ժառանգության պաշտպանության Հանրային խորհրդի նախագահ Սերգեյ Շահվերդյանը գրում է.
«Հոկտեմբեր ամսվա ընթացքում ադրբեջանական վարչակազմը ամբողջությամբ քանդել է Ստեփանակերտի ողջ պատմական կենտրոնը: Գետնին է հավասարեցվել առնվազն 6,5 հեկտար բնակելի շենքեր, այդ թվում՝ պատմական բնակելի շենքեր, խորհրդային ժամանակաշրջանի մեկ բազմաբնակարան շենք, հասարակական նշանակության շինություններ։
Քարտեզը կազմվել է երեկ հրապարակված տեսանյութի վերլուծության հիման վրա, որը նկարահանվել է ժամանակակից բնակելի շենքից, որտեղ տեղակայված են Ադրբեջանի ազգային անվտանգության նախարարության աշխատակիցների ծառայողական բնակարանները: Սա նշանակում է, որ տեսահոլովակի հրապարակումը նպատակ ունի բարոյալքել Արցախի ժողովրդին, զրկել մեզ վերադարձի կամքից և հույսից։ Գերշտապողականությունը կարող է նշան լինել, որ միջազգային կուլիսների հետևում ինչ-որ բան է կատարվում, որը մեզ համար անհայտ է:
Եկեք ճեղքենք:
P.S. Ես պարզապես չգիտեմ, թե ինչպես ստիպել շարժվել»:
