Խաղաղության Նոբելյան մրցանակը շնորհվեց Նավի Փիլեյին

Խաղաղության Նոբելյան մրցանակը շնորհվեց ՄԱԿ-ի մարդու իրավունքների հարցերով նախկին գերագույն հանձնակատար Նավի Փիլեյին։

Նոբելյան կոմիտեն գնահատել է նրա «ջանքերը խաղաղության և միջազգային իրավունքի առաջխաղացման գործում»։

Հիշեցնենք, որ ֆիզիոլոգիայի և բժշկության ոլորտում 2026 թվականի Նոբելյան մրցանակին են արժանացել գիտնականներ Կարլ Դեյսերոտը, Պետեր Հեգեմանը և Գեորգ Նագելը՝ լույսով կառավարվող իոնային անցուղիներին և օպտոգենետիկային վերաբերող հայտնագործությունների համար, իսկ Ֆիզիկայի 2026 թվականի Նոբելյան մրցանակի դափնեկիր է դարձել ամերիկացի աստղաֆիզիկոս Ֆրենսիս Հալսենը` IceCube նեյտրոնային աստղադիտարանի զարգացման գործում վճռորոշ ներդրման և աստղաֆիզիկական ծագման բարձր էներգիայի նեյտրոնների հայտնաբերման համար:

2026 թվականի գրականության Նոբելյան մրցանակը շնորհվել է կանադացի հեղինակ Էն Քարսոնին: 

Հոկտեմբերի 12-ին հայտնի կդառնա Շվեդիայի բանկի կողմից 1968 թվականին հիմնադրված Ալֆրեդ Նոբելի հիշատակի տնտեսագիտության մրցանակի դափնեկրի անունը:

2026 թվականին Նոբելյան մրցանակը կնշի իր 125-ամյակը։ Հոբելյանական տարում Նոբելյան հիմնադրամը մրցանակային ֆոնդը մեծացրել է 1 միլիոն կրոնով՝ հասցնելով այն 12 միլիոն կրոնի (մոտավորապես 1,2 միլիոն դոլարի)։ Մի քանի դափնեկիրների դեպքում մրցանակային գումարը հավասարապես բաժանվում է նրանց միջև, սակայն ոչ մի մրցանակ չի կարող բաժանվել երեքից ավելի դափնեկիրների միջև։ Դափնեկիրները նաև ստանում են դիպլոմներ և Նոբելյան մեդալներ։ Մրցանակները ավանդաբար հանձնվում են Ստոկհոլմում և Օսլոյում դեկտեմբերի 10-ին՝ Ալֆրեդ Նոբելի մահվան տարելիցին։