Հանրապետության 5 խոշոր ջրամբարներում լցվածությունը կազմում է գրեթե 100 տոկոս
Ընթացիկ տարում, նախորդ տարվա համեմատ, հանրապետության 5 խոշոր ջրամբարները գրեթե 100 տոկոս լցվածություն ունեն։
«Արմենպրես»-ի հաղորդմամբ՝ այս մասին հայտարարել է ՀՀ շրջակա միջավայրի նախարար Համբարձում Մաթևոսյանը՝ ՀՀ Ազգային ժողովի տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում։
«ՀՀ 2025 թվականի պետական բյուջեի կատարման մասին» տարեկան հաշվետվության նախնական քննարկումներին, անդրադառնալով հանրապետության ջրային պաշարների և ջրամբարների լցվածության ընթացիկ վիճակին, նախարարը մանրամասնել է, որ Ախուրյանի, Ազատի, Մարմարիկի և Ապարանի ջրամբարներում լցվածությունը հասնում է 100 տոկոսի, իսկ Արփի լճում՝ 91 տոկոսի։
«Հավելեմ նաև, որ նախորդ տարվա համեմատությամբ Սևանա լճում այս պահին ունենք բացասական 6 սանտիմետր տարբերություն, թեև լճի մակարդակը բավական արագ տեմպերով է աճել։ Վերջին 10 տարվա ընթացքում, 2017 թվականից ի վեր, Սևանա լճում նման արագ տեմպերով մակարդակի աճ չենք ունեցել։ Հետևաբար, ուսումնասիրելով այս տվյալները, կարող ենք պնդել, որ մինչև այս ամսվա վերջ Սևանա լճի մակարդակն արդեն կհասնի նախորդ տարվա ցուցանիշին»,-ասել է Համբարձումյանը։
