ՀՅԴ-ն Լիբանանում Թուրքիայի դեսպանատան դիմաց բողոքի ակցիա է կազմակերպել, այրել են դրոշը
ՀՅԴ «Զավարյան» ուսանողական միությունը, ՀՅԴ Լիբանանի երիտասարդական միությունը և ՀՅԴ պատանեկան միությունը ապրիլի 24-ին պահանջատիրական հավաք է կազմակերպել Լիբանանում Թուրքիայի դեսպանատան դիմաց։
Ցույցի ընթացքում արտասանվել են հայերեն, արաբերեն և անգլերեն ելույթներ: Ապա հարյուրավոր երիտասարդներ ու պատանիներ պայքարի կարգախոսներ են հղել:
Դրանցից են. ««Ճանաչումը արդարության առաջին քայլն է», ««Հիշե՛լ, հիշեցնե՛լ, ու պահանջե՛լ», «Ցեղասպանությունը հերքելը ոճիր է»:
Ցույցը ավարտվել է ազգային-հեղափոխական երգերով և թուրքական դրոշի այրումով։
Հակառակ ոստիկանական մեծ ներկայության, բախումներ տեղի չեն ունեցել և ցույցը խաղաղ ընթացք է ունեցել:
