Ինչո՞ւ է Հայաստանը ձգտում դեպի ԵՄ. ի՞նչ շեղող մանևր է նա անում․ URA.ru
Հայաստանի նախագահ Վահագն Խաչատուրյանն ապրիլի 4-ին հաստատել է օրենքը, որով մեկնարկում է Եվրամիությանը երկրի անդամակցության գործընթացը: Ռուսաստանում կարծում են, որ այդ որոշումը կարող է լինել ռազմավարական ծրագրի մի մասը, որի նպատակն է թաքցնել երկրի արտաքին քաղաքականության ուղղությամբ իրական փոփոխությունները: Ինչպես են ՌԴ-ում արձագանքել ԵՄ-ին Հայաստանի անդամակցությանը, և ինչու է դա անհրաժեշտ երկրին, մեկնաբանել է URA.ru լրատվական գործակալությունը։
«Հայաստանը որդեգրել է Եվրամիության հետ մերձեցման ուղին ՝ չնայած Եվրասիական տնտեսական միությանն անդամակցությանը։ Սա ռազմավարական քայլ է, որը թելադրված է ինչպես ներքին, այնպես էլ արտաքին գործոններով։ Լեռնային Ղարաբաղում ցավալի պարտությունից և Ադրբեջանի հետ շարունակվող լարվածությունից հետո Երևանը փնտրում է նոր դաշնակիցներ և անվտանգության լրացուցիչ երաշխիքներ, գրում է «Կոմերսանտը»: Եվրոպական վեկտորը Հայաստանին հնարավորություն է տալիս ամրապնդել իր դիրքերը միջազգային ասպարեզում և հասանելիություն ստանալ զարգացման նոր ռեսուրսներին։
Երկրի քաղաքական ղեկավարությունը եվրաինտեգրումը դիտարկում է ոչ միայն որպես արտաքին քաղաքական նախագիծ, այլև որպես ներքին օրակարգի կարևոր տարր: Նույնիսկ բանակցությունների մեկնարկը Հայաստանի առջև նոր հնարավորություններ է բացում՝ առանց վիզայի ռեժիմի հեռանկարից մինչև եվրոպական ներդրումների ներգրավում։ Ընդ որում, Հայաստանը զգուշորեն հավասարակշռում է՝ փորձելով չսրել հարաբերությունները Մոսկվայի հետ, որը մնում է կարևոր տնտեսական գործընկեր։
KP.RU-ին տված հարցազրույցի ժամանակ քաղաքագետ Ստանիսլավ Տարասովը կարծիք է հայտնել, որ Եվրոպական Միությանն անդամակցելու Հայաստանի խորհրդարանի որոշումը Մոսկվայի վրա ճնշում գործադրելու փորձ է: Սակայն նա ընդգծել է, որ նման որոշմանը օրինական ուժ տալու համար անհրաժեշտ է Հայաստանում համաժողովրդական հանրաքվե անցկացնել։
Քաղաքագետը նաև ընդգծել է Հայաստանի միաժամանակյա ինտեգրման անհնարինությունը եվրոպական և ռուսական տնտեսական և ռազմաքաղաքական կառույցներին, ինչպիսիք են Հավաքական անվտանգության պայմանագրի կազմակերպությունը (ՀԱՊԿ) և Եվրասիական տնտեսական միությունը (ԵԱՏՄ):
ՌԴ արտաքին գործերի փոխնախարար Միխայիլ Գալուզինը փոխվարչապետ Ալեքսեյ Օվերչուկը ևս հայտարարել են, որ անհնար է միաժամանակ անդամակցել ԵԱՏՄ-ին և ԵՄ-ին։
ՌԴ Պետդումայի պաշտպանության հարցերով հանձնաժողովի նախագահի առաջին տեղակալ Ալեքսեյ Ժուրավլյովը («Ռոդինա») խիստ քննադատել է Հայաստանին՝ ՀԱՊԿ 2024 թվականի բյուջեն ստորագրելուց հրաժարվելու համար՝ այն անվանելով «Արևմուտքին հաճոյանալու փորձ»։
Հայաստանի ակտիվ հռետորաբանությունը Եվրամիությանն անդամակցելու մասին կարող է մարտավարական մանևր դառնալ, որը կոչված է քողարկել երկրի արտաքին քաղաքականության իրական վերակողմնորոշումը, կարծում է Ռազմավարական մշակույթի հիմնադրամի փորձագետ Անդրեյ Արեշևը։
Եվրաինտեգրման մասին ամպագոռգոռ հայտարարությունների հետևում կարելի է տեսնել իշխանությունների հետևողական կուրսը Թուրքիայի և Ադրբեջանի հետ հարաբերությունների կարգավորման ուղղությամբ։ Վարչապետ Նիկոլ Փաշինյանը բազմիցս ընդգծել է թյուրքալեզու հարևանների հետ փոխգործակցության ռազմավարական նշանակությունը՝ այն անվանելով Հայաստանի ապագայի բանալին։
Այնուամենայնիվ, Երևանի իրական նպատակը կարող է կայանալ ոչ այնքան եվրոպական հեռանկարում, որքան Անկարայի և Բաքվի հետ փոխգործակցության միջոցով տնտեսական և աշխարհաքաղաքական նոր հնարավորությունների որոնման մեջ: Ապագայում դա կարող է արմատապես փոխել ուժերի հարաբերակցությունը Հարավային Կովկասում»,- գրել է գործակալությունը։
