«Վերելք». ՁԵԶ ՏԱՆՋՈՂ ՑԱՎԸ ՄԵԶ ԷԼ Է ՊԱՏԵԼ (տեսանյութ)
«Հայաստանում մարտնչող ազգադավներ ու դավաճաններ կան, զոմբիներ ու ծախուներ, սրիկաներ ու տգետներ, քաղքենիներ ու անտարբերներ,- նրանք դեռ շատ են, նրանց վրա է հենված էսօրվա թշնամաբարո իշխանությունը:
Նրանց հաղթել կարող են ազգապահներն ու հայրենապահները, շիտակ մտածողներն ու պայքարողները, ազնիվ ու ուսյալ, նվիրական ու ոգեշունչ մարդիկ, մի խոսքով՝ իրավ հայերը,- նրանք նույնպես շատ են:
Նրանց սատարել է պետք, որ ստվարանան ու հաղթական դառնան, որպեսզի ի զորու լինեն կանխել Հայաստանի ու հայության ներկա ստորացումն ու քայքայումը, որ Հայոց երկիրը լինի իր բնեղ պատկերով, որ կորուստները վերականգնվեն, հայ գերիները տուն վերադառնան և Արցախը կրկին հայանա:
Հայրենապահները պետք է հաղթեն հայրենադավներին. սա է միակ ուղին, որ օրհնված է նախնյաց ավանդներով ու մեր Աստծով»:
Բերվածն արցախցի մտավորական, իր խոսքերով ասած՝ ազգապահ ու հայրենապահ Հրանտ Ալեքսանյանի գրառումն է։
«Վերելք» հաղորդաշարի հեղինակ Արծրուն Պեպանյանը բազմակողմանիորեն քննում է պարոն Ալեքսանյանի տեսակետը, ինչպես նաև արված առաջարկի իրականացման հավանականությունը;
Մանրամասները՝ տեսանյութում
