Մենք լիովին աջակցում ենք «3+3» հարթակին․ Իրանի խորհրդարանի նախագահ

Իրանը լիովին աջակցում է «3+3» հարթակին։ Այս մասին հայտարարել է Իրանի խորհրդարանի նախագահ Մոհամմադ Բաղեր Ղալիբաֆը Ադրբեջանի Միլի Մեջլիսի նախագահ Սահիբա Գաֆարովայի հետ հանդիպմանը:

Հանդիպմանը քննարկվել են հարավկովկասյան տարածաշրջանում այսօր առկա նոր հնարավորություններն ու հեռանկարները։ Այս առումով նշվել է Ադրբեջանի «3+3» ձևաչափով համագործակցության կարևորությունը։

Ընդգծվել է, որ տարածաշրջանից դուրս արտաքին ուժերի ներգրավումը լավ բան չի խոստանում։ Ղալիբաֆը նաև լիակատար աջակցություն է հայտնել «3+3» հարթակին՝ վստահություն հայտնելով, որ այս ձևաչափը կնպաստի տարածաշրջանում խաղաղությանն ու կայունությանը, ինչպես նաև քաղաքական և տնտեսական համագործակցության զարգացմանը։