Եթե 2020 թ․ Ադրբեջանի ռազմական ծախսերը կազմում էին բյուջեի 14.3 տոկոսը, 2025 թ․ հասել են 20.3 տոկոսի

Ադրբեջանը 2020 թվականի պատերազմական տարվա համեմատությամբ հաջորդող բոլոր տարիներին ամեն տարի ավելացրել է պաշտպանության և ազգային անվտանգության բյուջետային ծախսերը: Եթե 2020 թվականին դրանք կազմում էին բյուջեի 14.3, 2022 թ-ին՝ 15.03, 2023 թ-ին՝ 16, 2024 թ-ին՝ 17.5, ապա 2025 թվականի Ադրբեջանի պետական բյուջեում այդ ծախսերը հասել են 20.3 տոկոսի: Հատկանշական է, որ նախորդող տարիներին ռազմական ծախսերը տեսակարար կշիռով բյուջետային ծախսային հոդվածներից մեծությամբ երկրորդն էին, իսկ ընթացիկ տարում ամենամեծն են այլևս: Այս և բազմապիսի այսօրինակ գործոնները հաշվի առնելով, ամենայն հավանականությամբ, Հայաստանի արտաքին հետախուզության ծառայությունը պատերազմի հավանականությունը ցածր է գնահատում իր զեկույցի հրապարակման պահին թերևս: Տպավորություն է ձևավորվում, որ նորաստեղծ հետազոտական կառույցի զեկույցի հիմնական ու գլխավոր ասելիքը հանգում է նրան, որ Փաշինյանի իշխանության կողմից հռչակված Խաղաղության խաչմերուկ հայեցակարգը ոգևորություն է առաջացրել տարածաշրջանային ու աշխարհաքաղաքական բոլոր խաղացողների մոտ: Կարող ենք հանգիստ լինել ու շնորհակալ Աստծուն, որ մեր պետության ղեկավարը հանճար է, քաղաքական մտքի գիգանտ:

Վարդան Բալյանի ֆեյսբուքյան գրառումը